A Sardiñeira
RCES
Actividades principais 2014-15
Indicamos aquí as actividades que implican a toda a comunidade educativa. Destacan pola campaña informativa que vai desde a comunicación ás familias, por parte da dirección, á comunicación directa na aulas, por parte de alumnado promotor.
Organización
1º trimestre. Campaña de Reis
Intentando facer posible o lema "Ningún neno sen xoguetes" achegamos e recollemos unha grande cantidade de xoguetes que clasificamos por tipos.
Aínda que nos faría moita ilusión converternos en Reis Magos e entregar os xoguetes individualmente, decidimos que os distribuiría mellor unha ONG do barrio que estaba realizando unha campaña similar.
2º trimestre. Operación Quilo
Repetimos a que foi a campaña principal o curso pasado.
Durante uns quince días desenvólvese a campaña informativa que remata coa entrega dos produtos clasificados ao Banco de Alimentos Rias Altas.
O resultado desta campaña foi a recollida de algo máis de 200 kg. de alimentos.
3º trimestre. Roupa e calzado
"A roupa cambia de armario".
Nesta campaña todas as prendas recollidas -228 Kg.- foron entregadas á ONG
Ecodesarrollo Gaia. Esta ONG, ademais de estar no barrio, está moi relacionada co centro porque algunha exprofesora traballa como voluntaria e varios alumnos e alumnas reciben clases de apoio polas tardes.
