A Sardiñeira
RCES
Dereitos da infancia
O neno can, de Fina Casalderrey e Francisco Castro con ilustracións de Patricia Castelao, é un libro sobre os dereitos da infancia. Consta de 5 historias sobre a pobreza, a explotación infantil, a falta de identidade, o matrimonio infantil e a discapacidade: Todos os relatos comezan con artigos da Declaración dos Dereitos da Infancia para presentar a continuación casos de incumprimento.
Lendo estas historias inventadas observamos que a realidade supera a ficción continuamente.
No primeiro relato o protagonista atrapa a comida que lle lanzan uns rapaces que estan celebrando un cumpreanos nunha terraza.
"A rapaza repara nel e lánzalle un bocado de carne que Aakesh atrapa directamente coa boca.
Ela, fascinada co enredo, continúa a arrincar cachos do bocadillo e a guindarllos polo aire. Aakesh captúraos ao voo cunha habilidade asombrosa.
As gargalladas da nena alertan os seus amigos, que se achegan para presenciar o espectáculo.
—Anda, un neno can!
—Mirádelle os pés, que cotrosos!
—Semellan de pel de elefante!
—Veña, chucho, pilla isto!
—Ei, ei, aquí, aquí!
Nenos e nenas rin e lanzan ao aire as larpeiradas que sobran da festa, facendo roda arredor. E canto máis rin eles, máis salta Aakesh". (páx. 13)
Unha situación tan denigrante como a protagonizada polos siareiros do PSV en Madrid (marzo 2016)
A educación é un dereito polo que loitan cada día nenas e nenos de distintos lugares do mundo.
Un xogo de UNICEF para repasar os dereitos da infancia: http://www.enredate.org/cas/juegos/mueve_ficha